من زمان وأنا قلمي كان خلاص
لما شفتك دب فيه الروح وهاص
فما تستغربيش من لغة الكلام العامي
أصل أنا إليي أحبه أشتكي له همي
لسه فاكر يوم ميلادي
يوم ما اتولدت بشعر أبيض .. ما اعرفش ليه !
هو أنا مش طفل عادي ولا أيه !


لا ... دا انا أصل الحكاية
لا ...دا انا كل الرواية
لا ... دا انا المسجون إليي فيها
لا .. دا انا إليي اتحرقت بيها
يا حبيبتي صدقيني
لسه فاكر يوم ميلادي بعد ما فاتت سنيين
لسة فاكر يوم من حياتي بعد ما فاتت سنيين
صدقيني
لسة فاكر يوم ما طبوا علي .. زي ما يكون يوم القيامة
لسة فاكر يوم ما مسكولي رقبتي .. زي ما تكون انتقامة
يوم ما هزوني بايدهم ..كما لو كنت اليمامة
وزي ما شفت أمي وهي بتدبح لي الحمامة
صدقيني يا حبيبتي
لففوني ألف لفة وأكلوني مـ التراب بس دا كان طعمه حلو !


كان طعمه حلو يا حبيبتي
كما لو كان شيء في السحاب دا تراب بلادنا
يا حبيبتي الطيبةجرجروني ولففوني وسبوا أمي ألف سبةوافتكرت !


يوم ماقال الصول " حمام " إنت كلب
عارفه يومها شفت أيه !


يومها شفت العصفورة نار
يومها شفت البحر دم
يومها شفت أطفال بلادي عريانين


وأمهاتهم ميتينعارفه يومها شفت ايه !


يومها شفت شارع مدينتي شكله أسود
يومها شفت الناس بتكدب
يومها شفت الوحش حلم
الصول " حمام " لف لفة وقالي تاني انت كلب
إلا إني كنت عارف ان الصول " حمام " ها يحن حنة
لف لفة وقالي تاني بصوت ضعيف خلي بالك يا ابني
دول زي الديابة خلي بالك ياابني دول واكلين الغلابة
دا انت إبني دا انت همي
بصيت لقيت عينه دمعت دمعة
زي لون الدم أصله كان من الجيل إليي فات
إليي عاش الهم هم
بس كان شايل في صدره سيول الغم
آه وآه يا حبيبتي
عارفة انتي بالنسبه لي زي مين !


زي وردة حمرا بتشتكيلي من العيال
زي مدد الصحرا على ظهر الجمال
زي حبة ميه في قلب القنال
زي نور عيني لما اشوف بيها الجبال
زي نظرة حلوه في عيون الرجال
انت حبي يا حبيبتي
انت أملي انت عملي
انت كل سنيني إليي فاتت
انت العمر إليي جاي بس حبي لواحة تانية كان عندي أكبر


مش ها اقولك هي مين !


لا ها اقولك هي مينهي بلدي يا حبيبتي
مصـــــــر
ـــــــــــــــــــ


أشكركم